quellen

  • liebi schwiizer!


    mir heis im angere thread scho agsproche: wohär "barf-material" hie ir schwiiz bezieh?
    dr pommi isch extra so nätt gsi und het üs zu däm zwäck e eigeni ungergruppe gmacht... de wei mr doch die o nutze! :D


    auso was si euri quelle? was finget ihr guet dranne, was ni usw.?


    mini quelle folge in es paar minütli!



    ps: ich hoff das geht in ordnung, wenn ich hier die schweizer auf "schwiizerdütsch" begrüsst hab und es fühlt sich niemand benachteiligt.... ;)

  • auso, ig ha mig chli informiert und feschtgsteut, dass es je nach däm ziemlich viu zoll choschtet wenn mr öpis im usland besteut (bischpiel: ware im wärt vo 39.- CHF bsteut, zoll und porto zusätzlich 37.- CHF!!!) :(


    drum probiere ig aus hie ir schwiiz z choufe....


    das hie si mini sache, mit em priis (in CHF) und woni sie gkouft ha..... ig schriibe aues uf (ig barfe hung u chatze):


    zubehör:
    - e woog, 1 g genau, 28.-, im migros
    - zum schnätzle dr mr. cutty (e sone hackteil) o bim migros für 40.-
    - e mörser, isch grad aktion gsi bim coop für gloub 20.-


    suppis:
    - lachsöl-kapsle, apothek (müends bstelle), 15.-
    - nachtkerzeöl (vo farfalla), reformhuus, 6.50
    - vitamin e-kapsle (burgerstein), apothek, 24.-
    - centrum, apothek, 17.70
    - eierschale duen ig säuber sammle u mörsere - nimme aber numme d schale vo bio-eier
    - bierhefeflocke, reformhuus, 200g, 6.40
    - unbehandeltes meersalz, reformhuus, 1kg, 3.90
    - taurin, dropa-drogerie, han ig bsteut und söt i de nächschte däg cho, ich söt 250gr für 68.- becho... mau luege... gibe denn bscheid wenn is ha
    - vitakalk, han ig säuber ni, chan ig aber hie ir zoohandlig becho


    fleisch:
    - fleischhaltigi chnoche bechume ig gratis hie vom bio-metzger, ich ga all wuche mini 1,5 kilo ga hole... mängisch gits o innerei eifach so... ig empfähle aune, eifach bi eme metzger mau ga lieb frage! einzigi bedingig isch, dass dr metzger säuber schlachtet...
    - normaus fleisch choufeni o entweder bim metzger oder im coop.... es muess ni unbedingt Bio si aber ig luege gäng das es sicher schwiizer-fleisch isch.... ig maches aber meischtens so, dass ig vo däm fleisch won ig für üs (bio-fleisch) choufe eifach es bitzi me choufe und das bechöme denn d tier
    - fisch choufeni im coop oder ufem märit


    gmües/obst:
    - chouf ig ufem märit oder im coop. immer Bio - well ig das gäng mit de schale gibe und uf gifte wot verzichte.


    speziell:
    - gluetefreii backmisching (brucht mer um hundeguddis säuber zmache), reformhuus, 1 kg, 8.90


    das isch im momänt glaub aues... wenn mir no öbis i faut dräge igs nach...


    froge?


    wohör händ ihr eui sache?


    augemein finge ig, dass mr sehr viu u o günschtig uf em märit und bim metzger bechunt.... das sie so mini "favorite"...

    Einmal editiert, zuletzt von rocza ()

  • danke, danke.... mir ist schon öfters aufgefallen, dass die meisten nichtschweizerdeutschsprechenden leute schweizerdeutsch irgendwie "putzig" finden... :D :D :D :D


    woher das kommt? :]

  • Hihihi, putzig ist höchstend Dein Berndütsch.
    Ich weiss nun nicht, ob mein basler Dialekt hier auch verstanden wird, deshalb versuch ich es lieber erst nicht.
    Also ich beziehe mein TK Fleisch meistens von einem Tierbedarfshop "Ebner" in Pratteln oder auch von Goldenway in Basel. Die Suppies hab ich bei Lucky Land bestellt und nach einiger Zeit (bis halt die Überweisung ins Ausland getätigt und das Paket abgeschickt resp. empfangen wurde) auch als "Geschenk" erhalten. Hätten die Zöllner nachgeschaut.... na ich weiss nicht. Sah alles sehr suspekt aus, weisse Pülverchen und Fläschchen etc!
    Ich könnte aber auch eine Lieferadresse in Deutschland angeben für grössere Mengen, da ich in Grenznähe wohne! Aber ich denke mal, dass ich damit einige Zeit zurecht komme.
    Erst muss ich mal sehen, ob meine Katzen das auch fressen.


    Für den Hund bekomme ich eigentlich alles in der Schweiz. Bin ich mal im Berner Oberland, habe ich meine Fleischquelle im Dorf wo ich immer bin, für die Ferienration. Meistens (fast) gratis. Muss es halt nur schneiden und portionieren. Tiefkühlware beziehe ich, wie gesagt, in meiner Nähe in 250 gr. Päckchen. Davon bekommen dann auch die Katzen, falls sie es mögen. Ich experimentiere noch.


    Würde mich aber auch interessieren, woher Ihr anderen Schweizer Eure Suppies und Fleisch bekommen.


    Liebe Grüsse
    Dusty mit Gourmets

  • hey dusty...


    verstah ig das richtig? du bsteusch s fleisch für din hung extra immene spezielle gschäft u die schicke dir das de portioniert? und d'chnoche?

  • Nei, das mues i nit bstelle. Das gits dört fix fertig abpackt im gfrierer! Isch e Tier-Zuebehör-Lade.
    Knöche kauf ich in dr Mirgos oder Coop oder au emol bim Metzger. Meischtens gits eh Poulethäls, die gits in dr Migros (au gfrore).
    Ich lueg morn emol, ob dr Goldenway nit e Filiale bi Dir in dr Nöchi het. E Doppelpack, also 2x 250 gr Rind/Poulet/Trute oder irgendöppis koschtet zwüsche 4.20 und 4.60 *glaub*.
    Ich mäld mi denn nomol. Gang jetzt aber am Küssi go loose =)
    Liebi Griess
    Dusty

  • hmmm.... ig bechume aber chnöche (sehr fleischigi!) gratis hie bi mim metzger....?! ig gange all wuche mini 1,5 kg ga hole und die sie de o grad früsch gschlachtet.... ig bechume gäng wieder chli angeri chnöche - ha dene eifach e lischte gä, was ig aues cha bruche und de düe sie jedi wuche neu luege.... so han ig o mou schof oder angers drin - alles in bio-qualität.....



    allgemein muess ig säge, dass ig eigentlich sälte igfrüre!
    1. han ig nume es chleis gfrürfach
    2. mach ig das eifach ni gärn


    ig bi eher eini vo dene wo jedi mahlzit früsch zubereitet..... wie machet ihr angere das? düet ihr all igfrüre???

  • ich bleib mal beim hochdeutsch .... liegt mir einfach besser zum schreiben ...;)


    ich beziehe mein fleisch bei www.carnivora.ch. ist alles bio-qualität und wird sehr gern gefressen. die supplemente hab ich bei der katzenbarfbar in deutschland bestellt und vermerkt, dass sie es als mustersendung schicken sollen. hat auch wunderbar geklappt und es wurde kein zoll oder dergleichen drauf geschlagen ... ;)

  • hey claudia


    do hesch du aber glück gha wegem zoll....!!!


    ig bi no immer nit glücklich mit mim taurin lieferant und muess mig mou um e neui quelle bemühe.... anschienend gits o apotheke wo das a lager hei, weu sie säuber das für mischige bruche... die gä das de sehr günschtig wäg.... ig ha aber bis itze hie i minere nächi no kei apothek gfunde wo das macht... :(


    zum fleisch: de bsteusch du aber gäng e grösseri mängi, oder? damit sich das rentiert? do wäremer de wieder bim igfrüre....

  • hi rozca


    ich han jetz emal 10 kg fleisch bstellt, ja .... und will's i 500 g-büütel vakuumiert isch, chan i's grad eso iigfrüüre. supplementiere tuen i denn immer grad diä 500 g und nachär wird's verfüetteret. mal luege, wiä lang das anehebet für 2 chatze ... diä sind megascharf uf das fleisch und hend jetz i 2 tag es kilo verdruckt ... 8o


    also ich bschtelle wiiterhin bi de chatzebarfbar in düütschland und lahn mir das als muschtersendig schicke. bi dene gringe wert lueged diä doch diä päckli nöd a bim zoll ... ;) .... würds au mal probiere, wenn i dich wär.
    han ebe au taurin gsuecht i de schwiiz und bis jetz no niene gfunde .... komisch, aber gits denn bi eus eso wenig barfer? ....

  • d'taurin chapsle gits i jedere apothek.... und sie o gloub nit so tür???


    ig bi mir aber nit sicher, öb das s gliche taurin isch wie das i pulver-from....


    ha übrigens inzwüsche mis taurin us dr dopa-drogerie becho.... sau-tür!!!! drfür han ig drzue es reinheitszertifiakt und e prüefigszertifikat becho?????

  • ja stimmt, wenn ich mir diä zuetate vo dene chapsle so aaluege, denn isch es scho nöd so de hit ... da muess scho nochli öppis ungsunds drin sii, damit diä so zämäpapped ....


    hei, ich finds eifach komisch, dass me das taurin i pulverform niene überchunnt i dä schwiiz .... han no öpper gfröged, wo au barfed und diä bschtellt au in düütschland. wo wohnsch denn du? hesch wiit über d'grenze? suscht chönntisch ja en grosse vorrat selber uf düütschland go hole ....

  • ig bi usem bärnbiet.... auso wiiiiiiit, wiiiiiiit wäg vor gränze!


    ig gibe aber nit uf! ha no es paar idee, wo ig taurin härbecho chönt....


    anschünschte chönere mr o mou e "sammelbstellig" mache u de schick ig mini mer (die wohnt nämlich z'basu) das im dütsche ga zhole....


    8)

  • ich wohne ebe nöch bi de grenze, z'winterthur, aber ebe ... ich bschtelle ja muschtersendige bi de chatzebarfbar ... :D ..... günschtig-praktisch-schnell-und-zollfrei .... 8)

  • ja, klar, aber das isch nöd so tragisch viil .... s'lohnt sich uf jede fall immer no ... ;)

  • So, will mich auch mal wieder melden, habe jetzt in Konstanz (Bodensee) per Zufall einen Laden gefunden (ein Laden für Hunde, warum ich da rein bin weiss ich auch nicht???)
    Und was gab es da??????????????????????
    GRAU Katzenfutter, eine sehr nette Dame dort, gab sich grosse Mühe, würde mir evt. auch Petnatur bestellen.
    Ich habe jetzt erstmal 5 Dosen Grau mitgenommen, zum Probieren, der Laden heisst
    www.derhundeladen.net
    Vielleicht interessiert es ja jemand, die wird mir sicher auch Taurin organisieren, bin jetzt sehr froh!
    Liebe Grüsse,
    Antonia

  • wow, antonia! das isch jo super... itze bin ig vou niedisch!


    gib bitte bscheid zu was für priise sie taurin cha organisiere!!! thanx